Саранскяйса ётай велень од ломанень марнек Россиянь форум

Мордовияса 12-це августста сявомок 14-ти самс ётафтови Велень од ломанень марнек Россиянь форум. Пингстонза корхтави сянь колга, кода тердемс одтнень велеть кеподеманцты. Эсь мяльснон-арьсемаснон велеряйхнень эряфснон цебярьгофтомаснон колга азондсазь синцьке од ломаттне. Форумти пуромихть Россиянь велень од ломанень марстомомать аймаконь пяльксонзон вятисна, агропромышленнай комплексса покоди од предпринимательхне, аграрнай вуз-са тонафнихне и синь тонафтысна, и лиятне, кинь токсесы велень темась. Форумть программаса экскурсият велень хозяйствань предприятиятненди и туризмань объекттненди. Арьсевихть дискуссиянь площадкат тяфтама тема лангс, кода: «Вовлечение местных жителей в развитие сельских территорий», «Кадры для села: активная молодежь – основа развития территорий», тренинг «Молодежная команда развития территории – команда РССМ».
Анокласы мероприятиять Россиянь велень од ломанень марстомомась и ётафтоманцты лезды од ломаттнень тевснон коряс федеральнай агенствась.