«Меремась» пурны эйкакшонь коллектив

«Мерема» фольклоронь ансамблясь яволявтсь «Меремчата» эйкакшонь фольклоронь студиянь пурнамодо.

Бути эйкакшось свал мезе-бути моры, косо сон а улевель; бути сонзэ мельс тукшныть музыкань инструментатне ды музыкась целанек; бути эйкакшонть ули мелезэ морамс сцена лангсо – сестэ сонзэ учить «Меремчататнень» юткс.

Студиянтень пурныть 5-15 иесэ эйкакшт.

Васенце занятиясь юты таштамковонь 2-це чистэ, Саранскоень Культурань дворецсэ, кона ашти Титова куросонть (23-це к.). Ушодови 18-00 ч.

Седе тов занятиятне кармить ютамо эрьва понедельникенть ды четвергенть. Теке жо шкастонть. Весе кевкстематнень коряс -пшкадема «Мерема» ансамблянь ветицянтень Модина Екатеринанень. Телефононь номерэсь :+7 (927) 191-20-94

Фото: vk.com/merema