Саранскяйса Огарёвонь лемса университетонь покодихне лиссть васенце субботникс
Опубликовано Вайгель - 31.03.2021
Огарёвонь лемса университетса ёткшиста ушедсть тундань субботникне. Перьфпяльть петеманц коряс пуромкснень ушедозь ректоратонь покодихне и университетонь подразделениянь вятихне. Университетса покоди алятне ректорть Сергей Вдовинть мархта марса урядазь главнай корпусть инголец, ёрязь ловть.
Огаревонь лемса университетса китькстазь, што субботниконь ётафтомась арась ни койкс, и эсонза примай участия сембе коллективсь.
Лятфтасаськ, апрельть ушетксста Саранскяйса эрь кизоня ётни «Чистый город» акциясь. Ётай кизостовок, аф ваномок пандемиять лангс, Мордовияса сяка лисендсть урядама. Но ётай кизоня тя пингть лов пцтай ашель, сяс покодихне лисендсть грабля и тяльме мархта.
Фото: МордовМедиа
