Саранскойсэ ушодовсь «Учитель года – 2021» муниципальной пелькстамось

Опубликовано - 30.03.2021

Мордовиянь прявто ошсо сон эрсекшни эрьва иестэнть. Пелькстамось алтазь тонавтыцянь профессиянтень:  муемс юткстост сехте ёроковтнень.

Кода мерсть ошонь мериясо, заочной эскелькссэ невтсызь пряст Саранскоень 45 школасто тонавтыцятне: кода од специалистнэ, истя — умок важодицятне.

Пелькстамонь те иень темась – «Учить и учиться». Неень шкасто прянь невтицятне явить  эсь материалсост, конатнень ютксо «Я-учитель» эссесь, социальной вейспурнавкстнесэ.

Пелькстамонь меельце эскельксэнтень ютыть 7 ломанть. Сынст лемест яволявтсызь чадыковонь 1-це чистэ. Седе тов – 5-це чистэнть саезь 8-це чис пелькстамось карми молеме очной форматсо. Неть читнень ютыть «Внеурочное мероприятие», «Урок», «Мастер-класс» ды «Педагогическая дискуссия» пелькстамотне. 8-це чистэ кочкасызь изницянть.


Вайгель эфир по будням: с 7.00 до 7.30 – на эрзянском языке, с 7.30 до 8.00 – на мокшанском языке

Current track

Title

Artist