Саранскойсэ юты «Театральные подмостки» фестивалесь-пелькстамось
Опубликовано Вайгель - 06.03.2023
Тедеде вишка формань театрань фестивалесь-пелькстамось юты 24-цеде. Невтемс эйсэнзэ пря тердевить, од ломанень шкинемань коллективтне ды башка од ломантне. Яволявкстнэнь ды номертнэнь марто видеотнень кучомат ошонь Культурань кудонь электронной почтас эйзюрковонь 15-це чис.
16-це ды 17-це читнестэ юты кочкамонь тур. Жюрись карми максомо номертнэнень питне иень кавто категориява (7 и. саезь 14 и. ды 15 и. саезь 25 и.) колмо номинациясо:
-
«Учитель на страницах книг»;
-
«Фристайл» (оляксчинь жанра. Тесэ мереви путомс национальной фольклоронть коряс невтемат);
-
«Наставникам, хранившим юность нашу…» (валморот, проза).
Сехте паро номертнэ понгить гала-концертс. Сон юты эйзюрковонь 28-це чистэ. Ушодксось 15.00 чассто.
