А. С. Пушкинэнь лемсэ раськень ловнома кудось ютавты зярыя мероприятият «Литературный поезд краеведа» регионъютконь теварсевксэнть лувсо.

А. С. Пушкинэнь лемсэ раськень ловнома кудось культурань, раськень политикань ды архивень тевень министерстванть лезксэнзэ вельде ютавты зярыя мероприятият «Литературный поезд краеведа» регионъютконь теварсевксэнть лувсо. Сынь алтавить тонавтыцянь ды наставникень иентень ды ютавтовить эйзюрковсто саезь аштемковс. Теварсевксэнть лувсо арсеви ютавтомс вастомат сеть регионтнэсэ, косо эрить эрзят ды мокшот. Те- Нижегородской, Пензенской, Ульяновской буетне, Чувашия республикась. Седе васоло эриця эрзятнень ды мокшотнень марто вастовоматне ютавтоить онлайн- форматсо. Теварсевксэнть прявт мелесь- ютавтомс вастомат эрзянь ды мокшонь сёрмадейтнень, тонавтыцятнень ды учёнойтнень лемс, ёвтнемс эйстэдест пурнавозетненень ды од ломантненень. Ушодовить мероприятиятне эйзюрковонь 6-це чистэ «Ава ютксо» онлайн- вастовомасонть. Сон алави раськеютконь авань чинтень. Видеосюлмавома арсеви ютавтомс Башкортостанонь Фёдоровка веленть марто.