Саранскойсэ юты «Мордовия многонациональная» фестивалесь
Опубликовано Вайгель - 19.02.2024
Даволковонь 21-це чистэ Россиясо тешкстави Тиринь келень Раськеютконь чись.
Мордовияськак вейсэнди те кенярксонтень. Сонзэ тешкстамозо минек региононть туртов кармась вадря коекс. Те чистэнть кортыть эрьва кодамо раськень кельтнеде; ютавтыть мероприятият, алтазь кельтнень ванстомантень.
Минек республикасо ояксчисэ эрить рузт, эрзят, мокшот, татарт, украинецт, армянт, чувашт ды ламо-ламо лия раськеть… Ды эрьванть эсезэ, кинь еновгак а молиця келезэ. Ды те кодаяк а меши миненек чарькодемс вейкень-вейкенек. Келесь – раськенть сюпавчись ды сонзэ эряви ванстомс.
Те покшчинть кувалма, Финнэнь-угрань раськетнень культуратнень Равчирень курось терди весень «Мордовия многонациональная» раськеютконь фестивалев, конась юты даволковонь 21-це чистэ Эрзя-мокшонь драмань театрасо. Ушодксось 17.00 ч.
Мероприятиясь юты Мордовия Республикасо Культурань, национальной политикань ды архивень тевтнень коряс министерствась.
