Мордовиясо поладови «Многонациональная семья» пелькстамонтень яволявксонь саемась

Финнэнь-угрань раськетнень культуратнень Равчирень курось кувалгавтызе «Многонациональная семья» мультимедийной важодематнень ютксо Регионъютконь пелькстамонтень яволявксонь саемань шканть даволковонь 28-це чинть самс.

Пелькстамосо прянь невтеме тердевить семиятне, косо ояксчисэ эрить аволь вейке национальностень ломанть. Важодематнень ды явоялвкстнэнь эрявить кучомс Равчирень куронь почтас «Многонациональная семья» тешксэнть марто.

Ледстясынек, невтеме пря те пелькстамосонть тердевить 7 иестэ саезь эйкакшт ды 35 иес од ломанть, конатнень ули мелест невтемс эсь ёрокчист раськетнень ютксо сюлмавоматнень коряс кевкстематнесэ.

Пелькстамось юты иень 3 категориява (7-11 иеть, 12-17 иеть, 18-35 иеть) «Сехте вадря видеороликесь» ды «Сехте вадря слайд шоусь» номинациятнева.

Цетасызь пелькстамонть эйзюрковсто.

Седе домкасто пелькстамодонть ловнодо теицянть-пурныцянть сайтсэ ды сынст кулялопатнесэ социальной вейспурнавкстнесэ.

«Многонациональная семья» пелькстамось ютавтови Мордовия Республикасо Культурань, национальной политикань ды архивень тевтнень коряс министерстванть лезксэнзэ вельде.