Саранскойсэ юты астрономиянь коряс Европань васенце олимпиада

Аштемковонь 2-це чистэ Санкт-Петербургсо Мордовиянь Прявтонь тевтнень топавтыцясь Артём Здунов вастовсь астрономиянь ды астрофизикань коряс Россиянь национальной сборноенть ветицянть Борис Эскинэнь марто. Вастомасо мольсь кортамо Мордовиянь прявт ошсо астрономиянь олимпиадань ютавтомадо.

Эряви меремс, Россиясо пек сюпавт койтне истямо пелкстамонь ютавтомасо. Те наукасонть Московонь олимпиадась, саемга,  эрсекшни 1947-це и. саезь. Астрономинь коряс Россиянь сборной командась свал сехте виевтнень ютксо, а Саранскойсэ Республикань лицеень тонавтницятне 2013-2019-це и. сайсть олимпиадатнесэ 20 медальть: 11 сырнень, 6 сиянь ды 3 бронзань.

Артём Здунов Мордовия Республикань Правительствантень макссь кармавтома ушодомс анокстамонть астрономиянь коряс Европань васенце олимпиадантень. Арсематнень коряс, Саранскойсэ сон юты 2022-це иестэ, чадыковсто. Мордовияв тердсызь Европань 15 масторонь сехте виев командат.