Саранскойсэ ютавтови Финнэнь-угрань раськетнень весероссиянь II форумось
Опубликовано Вайгель - 13.12.2022
Мероприятиянть арсеви ютавтомс сы иень умарьковсто. Форумонтень сыть масторонь 30 регионтнэстэ 450 ломанть, кортамонть туртов кевкстемакс карми «Молодежь в этнокультурном пространстве: реальность и перспективы». Ледстясынек, весероссиянь васенце форумось ветявсь Ижевскойсэ ютазь иень медьковсто. Мордовиясо ютавтовиця сыця мероприятиясонть кармить кортамо Россиянь финнэнь-угрань раськетнень этнокультурань кастомань-кепетемань ды культурань сюпавчинь кевкстематнеде, сехте вадря ушодкстнэде ды практикатнеде. Форумонть лувсо ютавтови РФ-нь Финнэнь-угрань раськетнень ассоциациянь Президиумонь промксось, истя жо «Минь вейсэ!» раськень культуратнень весероссиянь од ломантнень фестивалесь.
