Мордовияста мастерицась примась участия «Россиянь сёрматф картать» тиемаса.

«Русская песня» Москунь академическяй театраса Чувашскяй республикань Оцюнясь Олег Николаев и Россиянь народнай артисткась Надежда Бабкина няфтезь «Россиянь сёрматф картать». Картась одктоптовсь, мзярда Россиять составс сувасть ниле од региотт.
Котфть лангса покодсть 200 лама мастерда марнек Россияста. Мордовия Республикать сюреса сёрмадозе Н.П.Огарёвонь лемса Мордовскяй госуниверситетонь Национальнай культурань институтонь декоративно-прикладной отделениянь высшай категориянь преподавательсь, Мордовия Республикань культурань заслуженнай работниксь, Народнай творчествань Республиканскяй кудонь сотрудниксь Вера Ковалёва.
Россиянь картать сёрмадоманц колга мяльсь шачсь Чувашияса кизода инголе. Проектть кирдезь марнек странань мастерхне.