Региононь социальной стандартось нолдави тевс Мордовиясо

Стратегической инициативатнень агентствась невтсь региононь вейкине социальной стандарт – управленческой решениятнень пусмо, сынь аравтозь явовиця социальной услугатнень коряс эрицятнень мелест кепедемантень. Стандартось ашти Национальной социальной инициативань пельксэкс, конась Россиянь Президентэнть кармавтоманзо коряс нолдави тевс весе масторонть келес. Социальной стандартось – те сехте вадря практикатнень ды решениятнень пусмось, сынь лездыть теемс регионтнэнь социальной политикань юронть. Эйсэнзэ 13 пунктт. Ламо регионтнэсэ сынь уш топавтозь ды важодить лезэвстэ. Стандартонь вейке прявт пельксэсь – теемс регионсонть эрицятненень социальной лезксэнь инфраструктура: шумбрачинь киртязь возможность марто ломантнень туртов мультицентрат, инвалидность ды шумбрачинь башка енкстнэнь марто эйкакштнень туртов чинь улемань куншкакурот ды семиянь куншкакурот, нарьгамос понгозь аватнень ды эйкакштнень туртов кризисэнь куншкакурот. Теде башка, регионтнэсэ кармить важодеме социальной координатортнэнь службат, конат явить лезкс эрицятненень вейке вальманть лувсо. Истят службат уш важодить Самарань областесэ, Башкириясо, Якутиясо, Татарстансо ды Ярославлянь областесэ.