Саранскойсэ ушодовсь «Георгиевская ленточка» патриотонь акциясь

Ине войнанть прядома чистэнзэ 79-це иетненень алтазь акциясь ушодовсь Изнямонь площадьсэ.

Мероприятиянтень сакшность войнань ды важодемань ветерант, од ломанень патриотонь вейсэндявкстнэс совицят – вешницят, кадетт, ушаковецт, казакт, вузонь ды средней специальной учреждениянь студентт, школань тонавтницят.

Патриотонь акциянтень ушодксонть максызь Мордовиянь ветерантнэнь вейсэнядксос совицятне. Сынь пшкадсть одтнэнень вешема марто а стувтнемс покштятнень-бабатнень подвигест ланга.

Георгиевской лентась – те Ине войнасо изнямонь тешкс. Мордовиянь ветерантнэ максызь Ледстнемань эстафетанть волонтёртнэнень – макссть сыненст ожо-раужо лентат, конатне невтить сеть шкатнень тюрематнень качамост ды толост. Волонтертнэ жо явшесызь сынст Саранскоень эрицятненень ды инжетненень.

Эряви тешкстамс, патриотонь акциясь вейсэнди миллионт ломанть весе масторлангонть келес.

Акциясь карми ютамо ошонь ды республикань весе буетнесэ панжиковонь 9-це чинть самс.