Саранскойсэ учовить вадря полавтомат общественной транспортонть роботасо

Общественной транспортонть роботанзо марто сюлмазь кевкстематне кортазельть таштамковонь 4-це чистэ Мордовиянь Прявтонть Артём Здуновонь совещаниясо, конась алтазель ошонь кастомантень-кепетемантень.

Истя, таштамковонь ушодкссо стака, 17-це маршрутсо, вельмевтинзе эсь ардтнеманзо «гармошка» автобусось. Истяжо таго кармась роботамо автобусонь 5-це номерэнть ало маршрутось, конась моли 5-це больницянть эйстэ ошонь юго-западонь пельксэнтень — эрьва чистэ кинть лангс лисить ниле автобуст.

Полавтоматне токизь 42-це маршрутонтькак: ней Юбилейный микрорайононь эрицятненень мереви теемс питневтеме пересадка 5-це автобусонтень «Севастополь» лоткамо таркастонть.

Лиссь кармавтома вельмевтемс троллейбусонь 1-це маршрутонть, конась  малавгалиця кавто тарготнестэ ушоды ардтнеме «Орбита2 заводонть видьс. Маршрутонтень лисить эште кавто троллейбуст. Те лезды нурькалгавтомс транспортонь учоманть 16 минутатнень видьс.

Ды прявт кулясь — Саранскоень общественной транспортонь парконть иень пентень арсеви пештямс 15 МАЗ автобуссо, конат кельгстить ламо ломанть.