Саранскойсэ од ловныцятнень ютксо пелькстамосо изницякс кармась Анжелика Моисеева

Мордовиянь прявт ошсо ютась «Живая классика» Весероссиянь пелькстамонь муниципальной эскельксэсь. Мероприятиянть ютавтыть Россиянь Наукань ды образованиянь ды Культурань Министерстватне.

Эсь ёрокчист прозань произведениянь ловномсто невтизь 5-11-це классо тонавтницятне. Ловноманть туртов эрявсь кочкамс Россиянь ды омбо масторонь писательтнень сеть сёрмадовкстнэ, конат эзть сова школань литературань программас.

Саранскойсэ пелькстамось ютась Някань театрань сценанть лангсо. Изнямонть саизе Анжелика Моисеева, Н. П. Огаревонь лемсэ университетэнь пингсэ лицеень 11-це классо тонавтницясь. Сонзэ тонавтыцязо — Зацепина Евгения Николаевна.

Фото: mrsu.ru