Саранскоень тонавтницятне макссть ГТО-нь нормат.

Саранскоень тонавтницятне макссть ГТО-нь нормат. Физической анокстамонть коряс ваннома ютасть ошонь 29 общеобразовательной учреждениятнестэ 8-15 иесэ 432 эйкакшт. Мэриясо пачтить, «Готов к труду и обороне» комплексэнь норматнень топавтомань коряс пелькстамотне ютавтовсть шожда атлетикань коряс олимпийской резервань Спортонь школань футбольно-легкоатлетической манежсэнть. Тонавтницятне пелькстасть эрьва кодамо дистанцияс чиемасо, таркасто кувалмос кирнявтнемасо ды спортонь лия упражнениятнесэ. «Пелькстамотне ютавтозь эйкакштнень шумбрачист кемекстамонть, физической культурантень ды спортонтень свалшкань мелень явоманть туртов», — толковить Саранскоень администрациясо.