Саран ошсо панжызь Подольской курсантнэнь скверэнть

Саранскойсэ одкстомтомадо- витнемадо мейле панжовсь Подольской курсантнэнь скверэсь. Общественной те таркась умок учось одкстомтома. Ды тедеде «Жильё и городская среда» нацпроектэнть вельде, ошонь округонтень те проектэнть лангс федеральной бюджетстэ явозель 39 миллионт целковойть.
Ледстян, те тарканть ошонь эрицятне кочкизь рейтингень вайгелень максоманть вельде. Эйсэнзэ примасть участия Саранскоень 23 тежат эрицят, ды 14 тежадо ламо ломанть максызь вайгелест Подольской курсанттнэнь скверэнть одкстомтоманзо кис.
Од оймсема тарканть панжомо сакшность Мордовиянь Прявтось Артём Здунов, МР-нь Правительствань Председателень полавтыцясь – энергетикань ды жилищно-коммунальной хозяйствань министрась Игорь Чадов, Саранск ошонь округонь прявтось Игорь Асабин.
Артём Здунов тешкстызе, скверэсь одкстомтозь ошонь эрицятнень мелест коряс, ванстозь пертьпельксэсь. Тесэ улить налксемань вадря площадкат ды, натой, скейтбордингенть туртов тарка. Мордовиянь прявтось тешкстась, скверэсь вансты ледстнематнень геройтнеде – Подольской училищань курсанттнэде, конат 1941 иень сексня ванстсть Московонть фашисттнэнь эйстэ. Те минек масторонь история, конань а эряви стувтомс, сондензэ содаст эйкакштне. Неть содамочитнень, геройтнеде ледстнематнень вельде касыяк патриотизмась.