«Шумбрат!» илась Мордовияса

2-це сентябрьста Ковылкино ошса ётай «Шумбрат!» региононь ёткса национально-фольклорнай праздниксь. Сонь эсонза примайхть участия коллективне марнек Мордовиянь аймакнень эзда и Российскяй федерациянь субъектонь представительхне. Илась кармай ётама колма площадкаса — тя центральнай площадсь, ошень парксь и Од ломанень скверсь. Синь лангсост ётайхть выставкат, спортивнай пялькстомат, кармай ащема фотозона, мокшэрзянь ярхцамбялень няфтемась. Илать эса кармайхть морама инь цебярь Мордовиянь ансамбльхне «Росичи», «Мерема», «Торама». Казнякс арай «Садко» группань морамась. Аделави илась «Мы разные, но мы вместе» этнодискатекаса.