Саран ошсо кочкить паролгавтома таркат

Чадыковонь 26-це чистэ саезь панжиковонь 30-це чис мереви максомс эсь вайгеленть вейке мельстуиця тарканть кис. Тень туртов, кемнилее иестэ саезь од ломантненень мереви ютамс  zagorodsreda.ru эли «Госуслуги» сайтэнть пелев ды ёвтамс эсь меленть. Теде башка, ёвтамс эсь меленть мельстуиця тарканть кис мереви ошонь ниле покш содавикс микшнема таркатнесэ. Неть- «Глобус», «Макс», «РИО» ды «Сити-Парк» . Тосо ёвтазь шкастонть кармить важодеме волонтёрт. Сынь кармить лездамо весенень, кинь ули мелезэ каямс эсь вайгеленть мельстуиця тарканть кис. Неень шкасто эсь мелест лездамс яволявтызь малав кавтосядт ломанть. Эйстэдест седе тов кадовить ансяк сизьгемень кавто.  Паролгавтома таркакс ёвтазь ошонь колмо таркатне. Неть: Подольской курсантнэнь кужось, конась ашти Гагарина- Комарова куросонть. Омбоцесь- Эрьзя лемсэ бульварось ошонь Октябрьской буесэ ды Саранка лей чиресь ошонь куншкакуросо.

Фото: Администрация г.о. Саранск (vk.com/saranskadm)