Зубуса стровиява од Культурань куд

Опубликовано - 07.05.2021

Мордовиять тевонзон тиисна Артём Здунов якась Зубу аймакти. Ванозе Культурань кудть, коса малацекс пингть тиеви оцю ремонт. Тяфта же шарфтсь мяль од идень кужеть строяманц лангс.
Зубунь Культурань кудсь тифоль нинге 1986 кизоня. Петеманди эряви мянь 114 миллиотт цалковай. Капремонтсь тиеви государственнай программа вельде. Полафтсазь ташта вельхксть и куцематнень. Тяфта же путовихть од вальмат, кенкшт, марнек полафтовихть инженернай сеттне. Петемань тефне кармайхть молема 10 кофт.
Тяфта же республикань оцюнясь ванозе, кода строяви 90 вастс идень кужесь. Тефне тиендевихть «Демография» нацпроектть видеса. Проектть питнец — 107 млн. цалковай. Пцтай сембе ярмакне федеральнай бюджетста.


Вайгель эфир по будням: с 7.00 до 7.30 – на эрзянском языке, с 7.30 до 8.00 – на мокшанском языке

Current track

Title

Artist