Рузаевкасто ведесь туи, «салазь» мартонзо кавто сэдть
Опубликовано Вайгель - 05.04.2024
Мордовиянь Рузаевкань буесэ чадыведень «пшти» шкась – удало, ансяк зяро-бути куротне, кудотне ды участкатне нейгак аштить ваявтозь.
Кода ёвтнизь буень администрациясо, Инсар лейсэ ведесь туи – чинзэ перть сон алкиньгадсь 160 сантиметрас. Чадыковонь 5-це чистэ валске марто сон аштесь сядо вейксэньгемень сантиметрат тешксэнть лангсо.
Якстере Клин велесэ ведесь тусь кинть ды сэденть лангсто, ардомась панжадо. Тухачевскоень куросо ломантненень зяро-бути шкас явозь эрямо таркасонть кадовить Рузаевкань 12 эрицят. Сынст андыть пси ярсамопельсэ.
Чадыведесь вельтинзе китнень Шишкеева ды Татаронь Пишля велетнесэ сэдьтнень трокс.
Администрациясо пачтясть, неень шкасто анокставить витнемань тевтнень лангс ярмаконь вешемань яволявксонь туртов эрявикс конёвт.
Фотографиясь: Рузаевкань буень администрациясь
