«Россия» Раськень куншкакуросо юты «Россия. Седеень вейсэндязь» урьвакстомань- венчамонь весероссиянь фестивалесь.

Медьковонь 8-9-це читнестэ «Россия» Раськень куншкакуросо юты «Россия. Седеень вейсэндязь» урьвакстомань- венчамонь весероссиянь фестивалесь. Мордовиянть пельде семиянь, вечкемань ды кемемань чинтень алтазь свадьбань фестивалень участникекс кармить Саранскойстэ Николай Зайцев ды София Юрченкова.

София ды Николай теевсть содавиксэкс 5 иеде икеле.

— Кавтошка иеде икеле карминь содамо, Ули возможность налксемс свадьба Весероссиянь свадьбань фестивальсэнть. Минек ульнесь меленек, штобу минек кенярксчись улевель лия ёнов а молицякс ды мельс кадовицякс. Каинек яволявтома фестивалев. Пек кенярдынек, зярдо карминек содамо, ютынек кочкамонть. Ней минек кенярксов тевть, минь рамсетяно оршамопельть, вешнетяно тенст аксессуарт, конат невтить Мордовиянь раськень ёнксонть, — ёвтни София.

Поладсынек, урьвакстомадо-венчамодо мейле од полатнень учи сюпав программа: мастер-класст, лекцият, семиянь койтнеде ды питнейчитнеде кортамот, выставкат, раськень свадьбань оршамопелень невтемат, концертт ды фотосессият.