Ошонь театратне анокстыть «Театральная неделя» спектаклянь фестивалентень!

Истямо фестиваль-пелькстамось ютавтови Республикасонок кавксоцеде. Сон алтави Театрань раськеютконь чинтень. Афишасо Мордовия Республикань Прявтонь премияс номинантт. Невтевить ютазь иень васенцеде невтезь театрань путовкстнэ. Весемезэ сынденст пуромсть кото. Сынст юткс совась эрзянь кельсэ «Эрьзя валдос ливтиця» драмаськак , конанть невтсы мокшэрзянь драмань театрась.  Улить зярыя номинацият, конатнестэ сехте вадрятнень кочкасы жюрись. А сехте вадря спектаклянть мереви  кочкамс ванныцятненень. Путовкстнэ кармить невтевеме даволковонь кемкавтовоце чистэ саезь комсьнилееце чис. Ванныцятнень вайгелень максомась юты республикань минкультонь сайтсэ онлайн лувсо даволковонь комсьсисемеце чис. Республикань Прявтонь Премиянь лауреаттнэ ды сехте вадря спектаклянь лемтне ёвтавить эйзюрковонь меельце читнестэ.