Мордовиясо колмосядт колоньгемень ниле класст аштить дистанционной тонавтнемасо!

Весемезэ кудосо тонавтнинь сисем тёжат вейксэсядт эйкакшт. Теде коронавирусонь коряс пресс-конференцияссонть яволявтсь Мордовия Республикань Правительствань Председателенть полавтыцязо Галина Лотванова. Теке марто, сон тешкстызе «Эйкакштнэ, конат сэредить ды аштить кудонь тонавтнемасо аламолгадыть. Секскак нолдамс весе школатнень истямо тонавтемас арась тувтал. Дистанционной тонавтнемасо кармить ансяк сеть класстнэ, конатнесэ ламо сэредицят.» Ледстян, теде икеле орманть марто сюлмавозь стака тевтнень коряс оперштабось кирдизе важодемань группань меленть кандомс васенце классонь тонавтницятнень каникуласт даволковонь комсьвасенце чистэнть даволковонь сисемеце чинтень. Сынь кармить молеме вейке тарго- даволковонь кемколмовоце чинть самс. Оперштабось истя жо кармавтсь пштистэ топавтомс эпидемиологиянь а нолдамонь тевтнень. Кортамось моли антиковидной рейдтнэнь ютавтомадост, ламо квартирань кудотнесэ ды общественной транспортсо дезинфекциянь ветямодо.