Од иестэ Россиянь школатне ды эйдень кужотне кармить

Кармавтоматне совить вийс 2021-це иестэ якшамковонь 1-це чистэ.

Эйдень кужотне ды школатне кармить роботамо санитарной кармавтоматнень коряс.

Васняяк, кудотнень, косо эрить эйкакштне, ды образованиянь учреждениятнень ютксо мереви молемань ки – сех ламо 500 метрат кувалмосо ошсо, ды вайгельпе – велесэ. Бути седе ламо, сестэ эряви транспорт.

Весе зданиятнесэ эряви лембень максома, якшамо ды пси ведь. Бути пси ведь арась – сетэ путома ведень эждиця аппарат. Бути эйкакштне аштить школасо эли эйдень кужосо 4 чассто ламо, эряви андомс сынст пси ярсамкасо.

Истяжо кортави тонавтнемань ды оймсемань шкатнеде. Уроконть кувалмозо – 45 минутат сех ламо, переменанть – 10 минутат сех аламо.

Тенде башка, школатнес совавтовить «шожда чить», конат кармить ванстомо эйкакштнень сиземадо.

Эйдень кужотнесэ эрьва чинть песэ эряви шлямс налшкетнень, а някатнень оршамкаст муськемс эрявиксчинть коряс.