Мордовиянь Прявтось Артём Здунов ютавтсь важодемань вастовома Светлана Чупшева марто
Опубликовано Вайгель - 02.06.2025
Мордовиянь Прявтось Артём Здунов ютавтсь важодемань вастовома од проектнэнь тевс нолдамонь коряс Стратегической инициативатнень агенствань генеральной директоронть Светлана Чупшева марто. Ледстян, минек региононть ды Стратегической инициативатнень агенстванть ютксо кавто тёжат комсь 2022-це иестэ саезь сёрмадстозь сюлмавомадо соглашения. Вастовомасонть, Мордовиянь Прявтось ёвтась сюкпря Светлана Чупшеванень эрьва ёнксонь лезксэнть кис. Инвестиционной климатонь Национальной рейтингсэ Мордовиясь саи васенце таркат зярыя невтевкстнэнь коряс. Ютазь иестэ республикась совась вете икелев молиця регионтнэнь юткс ды сайсь казне «Лидер роста». Артём Здунов тешкстызе, регионось важоди эрямонь условиятнень кастоманть лангсо. Башка мель явови зыянов таркатненень. Сынст ютксо- сисемань веденть ваньксчись. Кода тешкстызе стратегической инициативатнень агенствань генеральной директорось, форумонь клауд- платформас састь 32000 яволявтомат масторонь эрьва регионсто. Сынст ютксто- 17000 яволявтомат Мордовиясто. Светлана Чупшева макссь покш питне республикантень АСИ-нь программатнесэ улеманть кис.
