Мордовиянь спортсментнэ изнясть Россиянь чемпионатсо ды Первенствасо!
Опубликовано Вайгель - 04.06.2025
26 медальть, сынст ютксо 12 сырнень сайсть Мордовиянь шожда атлеттнэ спортивной якамонь коряс Россиянь чемпионатсо ды Первенствасо, конатне ютасть Воткинск ошсо. Минек спортсментнэ сайсть казнеть весе дистанциятнесэ. Истя, 20 вайгельбеть дистанциясонть изнясь Сергей Кожевников. Сонзэ эйстэ 17 секундас «кадовсь» таго вейке минек командань пелькстыцясь, Атюрьевань спортсменэсь, Данил Мартынов. Сон сась финишентень омбоцекс. 3-це тарканть саизе Василий Мизинов Челябинской областьстэ. Аватнень ютксо 1-це тарканть саизе Рейхан Каграманова. 2-це таркасонть таго вейке минек региононь спортсменкась- Эльвира Хасанова. 35 вайгельбеть дистанциясонть медальтнень весе комплектэнть саизь Мордовиянь спортсментнэ. Сырнесь- Александр Гаринэнь, сиянть саизе Александр Городсков, бронзань медалесь- Сергей Шарыповонь кедьсэ. Аватнень ютксо 35 вайгельбетнень васенцекс ютынзе Клавдия Афанасьева Мордовиясто.
