Мордовиясо юты «Сабантуй» раськень-фольклоронь покшчись.

Медьковонь 4-це чистэ Мордовиясо юты «Сабантуй» раськень-фольклоронь покшчись. Кода пачти региононь Минкультнацось, сонзэ ютавтома таркакс карми Лямбирской райононь Аксеново велесь.Инжетнень туртов анокстасть сюпав программа. Ушодксось 11 чассо. Седе тов карми театрализованной невтема, Татарстанонь ды Мордовиянь шкинемань коллективтнень пельде гала-концерт.

Теке шкастонть кармить важодеме зярыя площадкат. Этно-велесэ инжетненень мереви теевемс содавиксэкс регионсонть эриця раськетнень эрямонь-аштемань ды койтнень марто, варчамс тикшень чайтнень, варчамс эсь вийтнень моронь ды киштемань пелькстамотнесэ.Спортонь площадкасонть ютавтови «Корэш» каркстнэсэ раськень бороцямось ды раськень налксематне. Коень коряс, карми важодеме ипподромось.Патриотической площадкасонть карми важодеме панжадо менель ало СВО-нь историянь музеесь.