Мордовиясо юты раськень промыслань фестиваль.

«Вирень-арт» раськень промыслань фестивалентень, конань аноксты П.Г. Смидович Лемсэ Мордовиянь государственной заповедникесь, совавтозь аволь ансяк анок теевкстнэнь ярмункась, конатнень теизь декоративно-прикладной искусствань ды художественной ремеслань мастертнэ.

Инжетне содавтовить эксклюзивной сувенирэнь теемань кой-кона салавачитнень марто, истяжо сыненст мереви рамамс эсь кедьсэ теезь лия ёнов а молиця курмот-кармот, варчамс раськень ярсамопельть.

Кинь ули мелезэ, мереви ютавтомс апак капша экскурсия экологиянь янтнэва, лексемс ванькс коштто, витемс меленть нармунтнень морамодост. Кенкшест панжсызь пертьпельксэнь музеесь, «Мы – одна страна» Музеень комплексэсь, Зубрань музеесь, мореной тумонь музеесь.

Теде башка, ютавтовить казне марто эрьва кодат налксемат, викторинат, музыкальной концертэнь программа ды седе тов.

«Вирень-арт» фестивалень редявикс пельксэкс карми раськень оршамопелень пелькстамось. Эряви меремс, улемс эйсэнзэ мереви эрьвантень. Прявт вешемась-оршамс раськень оршамопель (рузонь, мокшонь, эрзянь, татаронь ды седе тов) эли улемс оршамопельсэ, конась стазь этнической оршамопеленть коряс, эли куш  кодамояк раськень оршамопелень пелькс марто.

«Вирень-арт – 2026» фестивалень программась ушодови аштемковонь 20-це чистэ Темниковань Пушта посёлкасонть 11 чассто саезь.