Мордовиясо ушодовсь «Пернатый квартал» письмаронь кудынень пелькстамось

Мордовиясо ушодовсь «Пернатый квартал» письмаронь кудынень пелькстамось. Сонзэ теицязо – Мордовия Республикасо Государствань Собраниясь «Известия Мордовии» газетанть ды «Зеленый мир» экологиянь коряс эйкакшонь общественной организациянть марто вейсэ.

Невтемс эсь ёрокчист пелькстамосо мереви эйкакштненень ды сынст аватненень-тетятненень, конат вечкить эрьва мезень тееме.

Тень туртов эряви анокстамс письмаронь, пиже озязнэнь туртов кудынеть, пизэть, теезь эсь кедьсэ. Важодематнень мереви теемс кода ськамонь-ськамонь, истя семиянек.

Пелькстамось ушодовсь даволковонь 7-це чистэ. Те шкасто жюрись учи фотографият ды видеороликть. Питне важодематненень кармить максомо 8 номинациятнесэ. Ютксост – «Экодом», «Национальный колорит», «Птичья многоэтажка»; «Лучший фото-, видеорепортаж» ды лият.

Эрьва эйкакшонтень мереви онкстамс вийтнень аволь вейке номинациясо, ансяк эрьвасонть мереви невтемс ансяк вейке письмаронь кудыне.

Пелькстамонтень анокстазь важодеманть марто фотографиятнень эряви кучомс теицятнень электронной почтас.

Яволявкстнэнь учить эйзюрковонь 22-це чинть самс. Цётасызь пелькстамонть чадыковонь 5-це чистэ.