Торбеевасо витнесызь поликлиниканть
Опубликовано Вайгель - 15.02.2024
«Здравоохранение» национальной проектэнть юрсо Торбеева буесэ центральной районной больницясо витнесызь поликлиниканть.
Тесэ полавтсызь инженерной коммуникациятнень, уштомань ды электрической систематнень, полавтсызь трубатнень, кува моли кельме ды пси ведесь, истя жо канализациянть, вентиляциянть. Прядовить весе тевтне 2025-це иестэ.
Торбеевань ЦРБ-сь – те лецямонь ды профилактикань куро. Сонзэ ули филиалозо Атюрьевасо. Эсензэ ЦРБ-сэнть ули стационар 89 удома тарка ды чинь стационар 47 тарка марто. Тей жо совить 27 фельдшерско-акушерской пунктт.
