МОРДОВИЯСО СЁРМАДСЫЗЬ «ИЗНЯМОНЬ ДИКТАНТОНТЬ»
Опубликовано Вайгель - 29.03.2024
Тедеде минек регионсо кармить важодеме 130 сёрмадома таркат школатнесэ, музейтнесэ, культурань куротнесэ. Васенцеде «Изнямонь диктантось» сёрмадови «Смольный» раськень парконть пеле. Диктантонь ютавтома куншкакурокс карми И.Д.Воронин лемсэ краеведениянь музеесь. Весе талновтыця кевкстематне кортазельть оргкомитетэнь промкссонть, конань прявтсо Мордовиянь Госсобраниянь председателесь- Владимир Чибиркин. Тедеде «Изнямонь диктантось» сёрмадови чадыковонь 26-це чистэ. Диктантонь кевкстематне алтавить Ленинград ошонть блокаданть эйстэ олякстомтомастонть 80 иень топодемантень ды изнямонь лия тёкш читненень. Школань прядыцятненень, конат видестэ сёрмадсызь «Изнямонь диктантонть» максовить баллт. А сетне, кить изнясызь федеральной кевкстематнень, тердевить Ине Изнямонь Парадс, конась юты панжиковонь 9-це чистэ Якстере Площадьсэ.
