Саранскоень эрицятнень ды инжетнень тердить «Эрямонтень 10 тёжат эскелькст» весероссиянь акцияв

Недлячистэ, чадыковонь 7-це чистэ, Мордовиянь прявт ошсо юты весероссиянь акция, алтазь Масторлангонь Шумбрачинь чинтень.

Сон карми ютамо ошонь куншкакуросо: ушодксось ды песь – Республикань Кудонть вакссо.

Кода ёвтнизь Саранскоень администрациясо, проектэнь прявт арсемась – совавтомс седе ламо ломантнень седейс вечкема шумбра эрямонтень. Кинть ютамсто акциясо прянь невтицятненень мереви онкстамс давлениянть.

Мероприятиянть песэ весенень максовить шумбра эрямонь кувалма ледстнемкат (памяткат).

Акциянть ютавты Мордовия Республикасо Спортонь министерствась, Саранскоень администрациясь ды Мордовия Республикасо Ломанень шумбрачинь ды медицинань профилактикань коряс региононь куншкакурось эрьва иестэ, 2015-це иестэнть саезь.

Тердевить весе, кинь ули мелезэ.