Мордовиясо панжовсь «Тиринь масторонь идицят» фотоневтемась
Опубликовано Вайгель - 05.02.2024
Сон ашти «Россия» кинотеатрасо. Экспозициясо невтезть фотографият, конатне ёвтнить «Тиринь масторонь идицят» Региононь филиалонь важодеманзо ланга.
Снимкатнесэ – войнань специальной операциянь ветерантнэ, конат ютавтыть патриотонь вастомат, ушмантнэ, конат велявтыть эрямонтень спортонь реабилитациянть лезксэнзэ вельде.
Вейкесь эйстэдест – СВОнь ветерантнэнь кудораськест туртов киштемань занятиятне.
Кона-бути фотографиятне алтазть идицятненень лезксэнь максомантень – медицинань ды социальной лезкс, лезкс, сюлмазь важодемань вешнеманть марто.
«Эрьва фотографиянть эсензэ историязо, – корты общественной проекттнэнь коряс фондонь филиалонь прявтонть полавтыцязо Ольга Зеткина. — Истямо проекттнэнь лезксэст вельде ломантне кармить содамо – алкуксонь геройтне эрить маласо».
Невтемась карми панжадо даволковонь комсь колмоце чис. Самс ваномонзо мереви эрьвантень, кинь ули мелезэ.
Фотография: региональный фонд «Защитники Отечества»
