Мордовиянь эрицятнень тердить онкстамс виест «Экология – дело каждого» Раськеютконь премиясо

Кавто ковдо седе аламо кадовсь «Экология – дело каждого» Раськеютконь IV-це премиянтень яволявксонь саемань прядомань шканть видьс.

Пелькстамось алтазь келейгавтомс содамочитнень, кепетемс эйкакштнэнь, покш ды сыре ломантнень ютксо ёрокчинть экологиянь кевкстематнесэ.

Каямс яволявкс пелькстамосо прянь невтеманть туртов мереви кода эйкакштнэнень, истя покштнэненьгак, кода ськамонь-ськамонь, истя вейсэяк «Экосемья», «Экосоюз», «Экомир», «Экоблогер», «Экология души», «Экосемья»,«Экосоюз», «Экомир», «Экоблогер», «Экология души», «Экопросвещение», «Экомультфильм», «Экопроект», «Поколение будущего», «Экорисунок», «Экофокус» и «Экотуризм» номинациятнесэ.

Эйкакштэнь туртов номинациятнесэ, саемс, мереви артомс артовкс, теемс мультфильма, невтемс прянть кода блогер эли арсемс-теемс проект, кона карми алтазь лездамс витемс экологиянть марто сюлмазь стакачитнень.

Вейке номинацияв мереви кучомс зяро ули мель важодемат.

Сехте паро роботатнень теицятнень учить питней казнеть: Раужо иневеденть чиресэ оймсема, смартфонт, планшетт, ноутбукт, «Орлнок» весе масторонть келес содавикс Весероссиянь эйкакшонь куншкакуров путёвкат ды ламо мезе лия. Теде башка, изницятне ды казнень саицятне получить эште баллт Россиянь вузтнэс тонавтнеме молемстэ.

Яволявкстнэнь мереви кучомс 2024-це иень чадыковонь 1-це чинть самс.

Седе домкасто теде ловнодо пелькстамонь сайтсэ.

Ледстясынек, «Экология – дело каждого» Раськеютконь премиянть ютавты Пертьпельксэнь ванстоманть коряс Федеральной службась эрьва иестэ 2021-це иестэнть саезь.