Мордовиясо кочкизь «Иень тонавтниця» республикань пелькстамонь изницятнень

Ледстясынек, меельце эскельксэсь ютась ожоковонь 22-це чистэ Саранскойсэ. Пелькстамось мольсь 7 номинациява. Секскак изницятнедеяк кармась сисем.

Очной эскелькссэ пелькстасть республикасо 28 сехте виев тонавтницят – нилень-нилень ломанть эрьва номинациясонть.

Эйкакштнэнень эрявсь невтемс эрьва мейсэ эсь ёрокчинть, пелькстамс эрудициясо, арсемс-теемс проектт, невтемс командасо вейсэ роботамонть, максомс ГТОнь норматнень. Пелькстамонь прядыця мероприятиякс кармась «Диалог на равных» Мордовиясо Образованиянь министранть Елена Солдатовань марто кортамось.

Истя, пелькстамосо изницякс кармасть  Илья Кисаров ды Екатерина Дырова Рузаевкасто, Виктория Кирдяшова Ковылкинасто, Виктория Андреева Торбеевасто, Лиана Байбекова, Никита Игонин ды Кира Синикина  Саранскойстэ.

Ней, весенень сыненст сави невтемс прянть «Иень тонавтниця» Россиянь пелькстамосонть.