Мордовиясо кочкасызь Иень сехте паро книганть
Опубликовано Вайгель - 27.04.2022
Тедеде эйсэнзэ пелькстыть сеть пусмотне, конат нолдазельть 2020-це ды 2021- це иетнестэ ды конат пачтязельть республикань книжной палатас тедедень чадыковонь меельце чис. Содыцятне ванкшнызь книгатнень зярыя ёнкска. Весемезэ эйзэнзэ понгсть зярыя книгат. Весе сынь максовить А. С. Пушкинэнь лемсэ раськень ловнома кудонь сайтсэ. Тосо панжиковонь 15-це чис мереви максомс эсь вайгеленть мельстуиця изданиянть кис. Пелькстамонь анокстыцятнень валост коряс, онлайн- вайгелень максомась истяжо карми ловозь цётамонь ёвтамсто. Башка кочкавить кемколмово изницят зярыя номинациятнева. Неть: «Сехте паро поэтической пусмо», «Сехте паро книга тиринь кельсэ», «Эйкакшонь сехте паро книга» ды лият. Изницянтень максови «Иень сехте паро книга» лемесь.
