Мордовияса ушедсть пингта инголе максома ЕГЭ!
Опубликовано Вайгель - 22.03.2022
Кода и сембе Россияса, Мордовияса ушедсь единай государственнай экзаменть пингта инголе максомац. Сон поладови 18 апрельти самс.
Марнек Республикасонк экзаметтнень макссазь 63 участник. Оцюшкасна — ётай кизонь выпускникне.
Ушедсть ЕГЭнь максома 21 мартста географиянь, литературань и химиянь предметтнень эзда. 24 мартста пингта инголе макссазь рузонь кяльть коряс ЕГЭть, сяльде 28 мартста — базовай и профильнай математикать. И стак тов.
11 апрельста сявомок 18 апрельс молезь — резервнай шит. ЕГЭнь ётафтоманди анокласть фкя пункт — «Саранскяй строительнай техникумть» зданияса.
Экзаменть молеманц меле кармайхть ванома ситуационно-информационнай центрань онлайн-наблюдательхне, а тяфта же Од ломанень Российскяй союзонь общественнай наблюдательхне — республикань вузонь студентне.
