Мордовиянь Прявтось Артём Здунов вастневсь Россиянь шумбрачинь ванстомань министранть Михаил Мурашко марто!

Вастовомась ютась Московсо, эйзюрковонь комсьвасенце чистэ. Кортавсть минек региононь шумбрачинь ванстомань системанть тевдеемань, нацпроектэнь топавтомань кевкстематне, коронавирусонь инфекциянть марто сюлмавозь тевтне.  Артём Здунов пачтясь, республикасонть эпидемиологиянь тевтне аштить ванновт ало. » «Короновируссо ды аволь больничной пневмониясо сэредицятнень лецямс анокстазь сисемсядт вейксэньгемень таркат, чавот – комсьветее процент. Эпидемиологиянь тевтнень вадрялгадомась лездась ютамс медицинань лезксэнь явомань свалшкань лувонтень, истя жо ютавтови диспансеризация». Башка мель кортамосонть явозель кавто тёжат комсьвасенце-кавто тёжат комсьветееце  иетнес шумбрачинь ванстомань первичной звенань одкстомтомань программанть топавтомадо, республикань лецямонь учреждениятнень квалифицированной кадратнесэ пештемадост, отраслянть цифровизациядо. Текень марто неень шкане ошсонок эряви  витнемс Республикань онкологиянь диспансерэнь корпусонть. Лецямонь корпусонть витнемась-одкстомтомась лезды вадрялгавтомс лезксэнь явоманть онкологиясо сэредицятненень.