Мордовияса панчсть памятник Михаил Девятаевти

26-це апрельста Торбею аймакса панчсть памятник Советскяй Союзонь Геройти Михаил Девятаевти. Оцю илати састь аф аньцек Торбеюнь эряйхне, но и лама ломаньда Татарстанцта и Рав ширень ламонц аймакста. Мордовиянь оцюнять тевонзон тиисна Артём Здунов китькстазе, кодама оцю тев тись Михаил Петрович марнек мастороньконди. Сонь эряфоц няфнесы, кодамкс эряви улемс тяниень пингонь од ломаттненди, мужествань и патриотизмань кепотькс. Ламотне инксонза сотозь эряфснон авиациять мархта.
Республикать вятиец сюконясь Россиянь военно-историческяй марстомомати лездоманкса и памятниконь путоманкса. Россиянь ДОСААФ-ть вятиенц полафтыец Николай Стаськов азозе, Михаил Девятаевть менельти киц ушедсь Казанень аэроклубса. Тяфта же китькстазе, што Мордовияса фалу оцю мяль шарфтыхть военно-патриотическяй тонфтомати.