Мордовияса мольфтеви «Продолжительная и активная жизнь» национальнай проектсь

«Продолжительная и активная жизнь» национальнай проектть видеса ётафневи здравоохранениянь первичнай звенать одкстоптомац. Атерень районца аделсеви поликлиникать капитальнай ремонтоц. Тяни рабочайхне заняфт врачень кабинеттнень и лия помещениятнень потмоширдень отделкаснон мархта.  Поликлиникаса полафтозь электропроводкать и пожарнай сигнализациять, мзярошкада одкстоптозь отоплениянь системать. Петезь сувама группатнень, строясть помещения идень колясканди и ограниченнай возможность мархта ломаттненди пандуснень. Лядсь петемс-мазоптомс маластонь территориять.