Мордовияса арьсеви ётафтомс эряфс стака урмань пчкафтоманди лекарственнай препаратонь нолдамать коряс проект
Опубликовано Вайгель - 12.03.2025
Мордовиянь Оцюнясь Артём Здунов ётафтсь покодемань васедема фармаконадзоронь Национальнай научнай центрать генеральнай директоронц, Н.И. Пироговонь лемса РНИМУ-нь Институтть медицинскяй химиянь и фармациянь кафедрань заведующайть, фармацевтическяй наукань докторть Анатолий Крашенинниковонь мархта. Корхтамасна мольсь фармацевтикань сфераса од проектть эряфс ётафтоманц колга.
Кода китькстазе Анатолий Крашенинников, од проекть видеса арьсеви ладямс и ушедомс стака урмань пчкафтоманди лекарственнай препаратонь аптечнай производствать, синь ётксост шуроста васьфневихненди. Проектсь максы возможность няевиста касфтомс нят лекарственнай препараттнень качестваснон и сатомашиснон аф аньцек республикань эряйхненди, но и марнек странати. Тяда башка, эсь ширесонк производствась лезды валхтомс продуктть питненц, мезсь валхтсы здравоохранениянь региональнай системать бюджетонц лангста сталмоть.
Проектсь кармай нолдаф покодемас индустриальнай стратегическяй партнерхнень — «Промомед» ГК-ть («Биохимик») и Н. П. Огаревонь лемса МГУ-ть мархта марс.
Фото: пресс-служба Главы РМ
