МОРДОВИЯНЬ ПРЯВТОСЬ ВАСТНЕВСЬ ДМИТРИЙ ПАТРУШЕВ МАРТО

Мордовиянь Прявтось Артём Здунов Московсо вастневсь РФ-нь Правительствань Председателень полавтыцянть Дмитрий Патрушев марто. Вастовомань прявт темакс кармасть агропромышленной комплексэнь виевгавтомась ды региононь экологиянь кевкстематне. Мордовия Республикась — вейке ломаненть лангс велень хозяйствань продукциянь нолдамонть коряс масторонть келес васенце регионтнэстэ вейкесь. Регионсонть важодить покш агрохолдингть, конат нолдыть агропромышленной комплексэнь весе продукциянть. Дмитрий Патрушев тешкстызе, 2024 иестэ Мордовиясо кассть ракшань кастомань сывелень ды ловсонь ёнкстнэ. Тедеде вадря динамикась ванстовсь. Важодемань вастовомань вейке темакс кармась «Комплексное развитие сельских территорий» госпрограммань топавтомась. Сонзэ вельде касы-кепети инфраструктурась ды строявить социальной объектт, эрямонь таркат, кить. Тедеде программанть топавтомс Мордовиясо явозь малав 1,5 миллиардт целковойть. Неень шкане республикасонть топавтовить комплексной виевгавтомань кавто од проектт: Орданьбуе ды Инсар оштнесэ. Истя жо прядовить проекттнэ, конат ушодозь 2024 иестэ. Дмитрий Патрушев ды Артём Здунов истя жо кортасть региононть «Экологическое благополучие» национальной проектсэнть улемадонзо. Республикань Прявтось тешкстызе, меельце стадиясонть ашти региононть туртов эрявикс объектэнть – отходтнэнь обработкань коряс межмуниципальной комплексэнь строямось, виензэ 180 тёжат тоннат иезэнзэ.