Мордовиянь од ломаттне сяськсть «Осуществи мечту» фестиваль-конкурсса

100 лама асу артистта и художникта Россиять эрь кодама регионцтонза 5-це кизоста сявомок 30-це кизоти молемс примасть участия «Осуществи мечту» сембе масторонь 3-це конкурс-фестивальса. Од ломаттне пялькстсть конкурсонь эрь кодама дисциплинаса. Ёткссост: кштимась, морамась, театрась, музыкань инструментса налхкомась, декоративно-прикладной и изобразительнай творчествась.
Фестивалень колма казнятнень сявозь Кочкурова аймакста искусствань идень школать тонафниенза. Тяфта, Елена Салямовань тонафниец Мария Бурдина, кона выступандась «Менуэт» Гендель музыканц мархта, пианисттнень ётксса арась 1-це степень коре дипломантокс. «Искорки» кштимань коллективти, кона няфтезе «Сенокос» музыкань-хореографиянь композициять, тяфта жа максфоль 1-це степень коре диплом. А Кира Елаева «Эстрадный вокал» номинацияса казьфоль 1-це степень лауреат лемса и жюрить эзда специальнай дипломса. Сяськихнень сембе тонафниеснонды фестивальть организаторонза макссть сюкпрянь азомань сёрмат.