Мордовиянь культуранть те шкане невтить Белоруссиясо

«Молодечно-2023» моронь ды поэзиянь национальной фестивалев Белоруссияв тусть «Торама» фольклоронь ансамблясь ды декоративно-прикладной шкинемань ёроковтне.

Фестивалесь юты неть читнень, 9-це ды 10-це читнестэ Минской енксонь Молодечно ошсо. Эряви тешктамс, те форумось Белоруссиясо юты ояксчинь ды созиданиянь Иенть лувсо.

Тосо минектне невтить эсь теемкаст ды шкинемаст. Истя, Вера Ковалева ускинзе Белоруссияв раськень викшневксэнзэ, Евгений Миронов – чувтосто керсемканзо, Надежда Аксенова – понасто теемканзо, кодавксонзо-семицветканзо, човалясто теемканзо. Ну, а «Торамась – эсь моронзо.

Те фествиалесь кемексты культурань сюлмавкстнэнь Россиянть ды Белоруссиянть ютксо.