Мордовиянь од артыцятне артсызь Тиринь масторонь геройтнень
Опубликовано Вайгель - 09.04.2024
С. Д. Эрьзянь музеесь яволявтсь «От пионеров-героев до поколения Z» республикань шкинемань пелькстамодо.
Эсест роботаст, алтазь ютазь ды неень шкань геройтненень, мереви максомс Мордовиянь художествань ды искусствань школань трявкстнэнень. Тонавтницятненень шкинемань роботаст туртов темакс мереви саемс кода 20-це пингень, истя жо неень шкань отечествань историянь войнатнень, тень марто вейсэ сетень, конат сюлмазть Донбассонть марто, эли эсь малавиксэст историяст.
Пурныцятне-теицятне а киртить пелькстыцятнень художествань олячинь келейчинть.
Прянь невтицятненень максовить тематикань колмо номинацият:
— героень масторонь эйкакшт (пионертнэнь-геройтнень подвигтне)
— «Войнанть ульнесь ламо зыянозо…» (семиянь ёвтнемат войнань эйкакштнеде)
— течинь читнень геройтне.
Эйкакштнень ули шкаст арсемс, тонавтомс весе детальтнень ды артомс эсь геройтнень. Пелькстамонь важодематне саевить ацамковонь 2-це чинть самс. Сехте паро роботатне кармить совавтозь цётамонь невтемас, конась панжови Отечествань Геройтнень чинть икеле ацамковонь 6-це чистэ Эрьзянь музеень прявт зданиясо.
Изницятненень ды казнень саицятненень невтемасонть максыть питней казнеть, теде башка яволявтсызь «Музеень симпатиянь казне» ды «Ваныцянь симпатиянь казне» лемтнень.
Республикань шкинемань пелькстамодо положениясь путозь С. Д. Эрьзянь музеень официальной сайтсэ.
