Мордовиянь национальной драмань театрасо ушодовсть Девятаевде путовксонь репетициятне

Мордовиянь Торбеевань буень чачицянть, Советской Союзонть героенть подвигензэ ланга спектаклянть путоманзо лангс грант Россиянь Культурань министерствась явсь театрантень эштё иенть ушодкссо.

Тень коряс мокшонь драматургось Валентина Мишанина сермадсь од пьеса Михаил Девятаевень автобиографиянь книганзо коряс. Эряви меремс, Валентина Ивановнанень аволь весть савкшновсь вастовкшномс лётчикенть марто. Ды кода корты драматургось, Михаил Петрович евтнесь ламодо, мезесь эзь понго книгас, а вана «Из ада – к звездам» пьесантень понгсть. Ды сынь парсте панжить героенть.

Аштемковонть ушодкссо Национальной театрань актертнэ ушодызь спектаклянтень анокстамонть. Сонзэ путы питерэнь режиссерось Ольга Парфёнова, конась тедеде путызе «Роштовань тамашат» невтеманть.

Премьеранть ваныцятненень невтсызь од сезонсо. Прявт роленть карми налксеме Национальной театрань од актерось, ГИТИСэнь прядыцясь Андрей Грызлов. Сонензэ карми эрявомо тонадомс кортамс мокшокс.