Мордовиянь эрицятнень учить кувака оймсема чить

Панжиковось, кода ветявсь, кенярдовтсамизь кувака оймсема ды нурькине важодема читнесэ. Васняяк, карматано оймсеме чадыковонь 29-це чистэнть саезь панжиковонь 1-це чис. Те сюлмазь Тундонь ды важодемань кенярксонть марто. Седе тов, панжиковонь 2-це чистэнть саезь 5-це чис – лисема роботамо. А вана Изнямонь чинть кувалма эйсенек учить ниле оймсема чить: панжиковонь 6-це чистэнть саезь 9-це чис. Мельгаст сави важодемс ансяк колмо чить, ды таго оймсема.

Кувака оймсема чить учить Мордовиянь эрицятнень аштемковстояк, 10-це чистэнть саезь 12-це чис, зярдо тешкстави Россиянь чись, сундерьковстояк – 4-це чистэнть саезь 6-це чис, зярдо тешкстави Раськетнень вейсэндямонь кенярксось.