Мордовиянь делегациясь «Автопоезд культуры» культурно-просветительскяй проектть видеса ульсь Херсонскяй областень Каланчакскяй округса

Культурань, национальнай политикань и архивнай тевонь Мордовиянь региональнай министерствань делегациянь участникне «Автопоезд культуры» культурно-просветительскяй пректть видеса ульсть Херсонскяй областень Каланчакскяй округса. Сонь эзонза сувасть Минкультонь сотрудникт, артистт, музеень и библиотечнай тевонь специалистт.
Лятфтасаськ, што февральть песта Каланчакскяй округста делегациясь ульсь Мордовияса. Республикань и округонь культурань учреждениятнень ёткса ульсь тяшкстаф мзярошка марспокодемать колга соглашения. 
Каланчакскяй округонь Велень культурань кудонь и библиотекань покодихненди ульсть ётафтфт тонафтомань семинархт «Семья» од нацпроектть видеса, Пушкинскяй картать покодеманц организациянц коряс, проектса и грантовай пялькстомаса участиять, синь ётксост заявкань тяштемать коряс.
Каланчакса ёфси аф кунара панчф краеведческяй музей, и тяни учеви марстонь покодема сонь экспозициянзон  и фондонзон пяшкодемаснон коряс.
китькстасаськ, што Мордовияв лямбе койть коряс кизонь ваймамас сась Каланчакскяй округста идень группа. Светлана Баулина азсь мяль тердемс  Каланчакста делегациять «Мы вместе» Сембероссиянь национальнай культурань од ломанень фестивальти, конац ётай августста.