Тя кизоть Единай государственнай экзаметтнень республикаса кирдезь 2902 ломатть

Опубликовано - 08.07.2024

Мордовиянь Оцюнясь Артём Здунов корхтась средняй общай образованиянь образовательнай программатнень коряс итоговай государственнай аттестациять васенце результатнень колга Васенце вице-премьерть Галина Лотвановать и республикань образованиянь министрть Елена Солдатовать мархта.


Единай государственнай экзаметтнень республикаса кирдезь 2902 (кафта тежятть вейксакемонь кафта) ломатть, синь эздост 2763 (кафта тежятть сисем сятт котгемонь колма) тя кизонь выпускникт.  Кода китькстазе Елена Солдатова, сетьмешинь максомать и иденьди пара условиянь тиемать коряс покодемась  ЕГЭ-нь кирдемань вастса ульсь тиф лац. Экзаменонь ётафтомати ульсть тердьфт общественнай наблюдательхть, покодсь Республиканскяй ситуационно-информационнай центрась онлайн-видеонаблюдениянди.
Кассь математикать и естественно-научнай профилень предметтнень коряс балсь.


Инь цебярь тонафтомань качествать няфтезе асу иденди Республиканскяй лицейсь.


Тя кизоть выпускникнень появась правасна кирдемс одукс единай государственнай экзаментть фкя предмет коряс.

Лятфтасаськ, тя инициативать колга корхтась Россиянь Президентсь Владимир Путин Федеральнай Собранияти Посланиянь лувомать пингста. 

Фотось: Мордовия Республикань Оцюнять пресс-службац


Вайгель эфир по будням: с 7.00 до 7.30 – на эрзянском языке, с 7.30 до 8.00 – на мокшанском языке

Current track

Title

Artist